Ciidamada Kenya oo lagu weeraray inta u dhexeysa Kulbiyoow iyo Degmada Badhaadhe

Kismaayo:-Ciidamada Al-Shabaab ayaa maanta weerar gaadmo ah ku qaaday ciidamo kolonyo ah oo ka tirsan dowalada Kenya iyo kuwa DFKM dagaalka ayaa waxaa uu ka dhacay deegaanka u dhexeeya  Kulbiyoow iyo Degmada Badhaadhe waxaana warar hordhac ah oo soo gaaray Halgan.net ay sheegayaan in  ciidamada Kenya laga gubay halgaari.

Dagaalka ayaa socday in ku dhow saacad waxaana guulo ka sheegtay ciidamada AL-Shabaab iyo kuwa DFKM sarkaal u hadalay ciidamada Al-Shabaab ayaa sheegay in ay dileen 10 askari halgaarina ay gubeen.

Dhanka afhayeen u hadalay DFKM ayaa sheegay in ay fashiliyeen weerar gaadmo ah oo ay soo qaadeen ciidamada Al-Shabaab wuxuuna ku faanay in ay dib u celiyaan .

Ciidamada Kenya ayaa ilaa intii ay soo galeen gudaha dalka Soomaaliya waxaa ku socday weeraro gaadmo ah oo ay qaadayeen ciidamada Al-Shabaab taas oo hakisay in ay horey u socdaan ,ciidamada Kenya ayaa waxaa ka soo gaara weerarada gaadamada ah Khasaaro xooggan waloow ay qariyaan khasaarahooda .

A/Cawale
Halgan.net