.gif)
Dagaal iyo iska horimaad ka dhacay duleedka magaaladda Muqdisho
February 23, 2012 - Written byAfgooye:-Dagaalo culus ayaa caawa waxay ka socodaan duleedka magaaladda Muqdisho kaas oo u dhexeeya ciidamada AMISOM kuwa DFKM iyo Al-Shabaab dagaalka ayaa waxaa uu si culus uga socdaa xarumaha kala ah Xeradii Asluubta, Xaafadda Xoosh iyo qeybo ka mid ah Jidka Warshadaha halkaas oo ay ku sugan yihiin ciidamada AMISOM. Waxaa si weyn looga maqlayaa caawa duleedka magaalada Muqdisho sawaxanka madaafiicda iyo BM ka waxaana uu dagaalku yahay mid ay soo qorsheeyeen ciidamada Al-Shabaab iyaga oo laba jiho ka soo weeraray ciidamada AMISOM.
Ciidamadda Midowga Afrika ee AMISOM ayaa waxaa ku dhacay jahwareer waxaana ay Madaafiic u ridayaan dhinac walba waxaana dib loogu durkay fariisimahooda sida uu Halgan.net soo gaarsiiyey ilo wareed lagu kalsoon yahay oo ku sugan Ceelasha Biyaha.
Dadka Rayidk ah ee ku haray Deegaanada loo-barakacay ee Ceelasha Biyaha ayaa waxaa ay ka walaacsan yihiin in ay soo gaaraan Madaafiicda habowga ah ay tuurayaan ciidamada AMISOM.
A/Cawale
Halgan.net
