.gif)
Madaxweynaha DFKM Shariif Sheekh Ahmed oo dib ugu soo laabtay Muqdisho
February 26, 2012 - Written byMuqdisho:-Madaxweynaha DFKM Sheikh Shariif Sheikh Axmed iyo wafdi uu hogaaminayo ayaa maanta dib ugu soo laabtay magaalada Muqdisho kadib markii ay ka soo qeybgaleen Shirkii lagu qabtay magaalada London ee xarunta dalka Britain
Madaxweynaha DFKM Shariif Sheekh Ahmed ayaa markii uu dalka ku soo laabtay ayaa saxaafada la hadlay waxaana uu u sheegay in shirka London uu guul ku soo dhamaaday waxaana uu ugu baaqay ciidamada DFKM iyo xulufadooda in ay adkeeyaan amaanka goobaha ay ka saareen Al-Shabaab .
Madaxweynaha DFKM Shariif Sheekh Ahmed ayaa waxaa uu si rasmi ah u sheegay in goobaha ay qabsadeen ciidamada dalka Itoobiya lagu wareejin doono ciidamada AMISOM wuxuuna intaas raaciyey in ciidamada Itoobiya ay ka bixi doonaan goobaha ay haatan ku sugan yihiin markii lagu wareejiyo ciidamada AMISOM.
Xaalada dalka Soomaaliya ayaa marba marka ka danbeysa sii fogaaneysa iyada oo dhibta ugu badan ay gaareyso dadka shacabka ah ee aan waxba galabsan waxaana dad badan ay is weydiinayaan waxa ay ku kala duwan yihiin ciidamada AMISOM iyo kuwa Itoobiya iyada oo qolo walba ay wadato ajanda u gaar ah oo ay ka leedahay dalka Soomaaliya.
A/Cawale
Halgan.net
