Wasiirka arrimaha dibada ee dalka Uganda Oriemo Okello oo soo gaaray Muqdisho

Muqdisho:-Wafdi uu hogaaminayo wasiirka arrimaha dibada ee dowlladda Uganda Oriemo Okello iyo Taliyaha ciidanka dalkaa Uganda Gen. Katumba Wamala ayaa saaka soo gaaray magaalada Muqdisho ee caasimada dalka Soomaaliya waxaan garoonka diyaaradaha ee Aadan Cadde ee Muqdisho ku soo dhaweeyey Ra.iisul wasaare ku xigeenka ahna wasiirka Gaashaandhigga DFKM Xuseen Carab Ciise, Taliyaasha ciidanka DFKM iyo kuwa AMISOM.

Wasiirka arrimaha dibada ee dowlladda Uganda Oriemo Okello iyo Taliyaha ciidanka dalkaa Uganda Gen. Katumba Wamala ayaa waxaa ay salaan sharaf ka qaateen cutubyo ka tirsan ciidanka AMISOM gaar ahaan kuwa dalka Uganda oo ku suganaa dugsigii tababarka Ciidamo Xalane ee magaalada Muqdisho. Ciidamo ka tirsan kuwa AMISOM ayaa  wafdiga wasiirka arrimaha dibada ee dowlladda Uganda Oriemo Okello iyo Taliyaha ciidanka dalka Uganda Gen. Katumba Wamala waxaa ay u galbiyeen xarunta Villa Soomaaliya oo ay degan yihiin Madaxda DFKM iyadoo la filayo in wafdi gaan ay saacadaha soo socda ay kulan la qaadan doonaa Madaxweynaha DFKM Sh Shariif  Sh. Axmed iyo Ra.iisul wsaaraha DFKM Dr. Cabdi Weli Maxamed Cali Gaas.

Socdaalka wasiirka arrimaha dibada ee dowlladda Uganda Oriemo Okello iyo Taliyaha ciidanka dalkaa Uganda Gen. Katumba Wamala ayaa ku soo beegmay xili ururka Al-shabaab ay abaabuleen saaka banaanbax lagu taageerayo ku biiritaankoodii ay ku biireen urur weynaha Al-Qaacid , banaanbaxa taageerada ayaa waxaa uu ka dhacay duleedka magaalada Muqdisho gaar ahaan Baraxada weyn ee Calamada oo u dhexeysa magaalada Muqdisho iyo degmada Afgooye.

A/cawaale
Halgan.net