Al-shabaab oo warbaahinta geysay maanta Degmada Dayniile ee gobalka Banaadir

Muqdisho:-Gudoomiyaha Ururka Al-Shabaab ee gobalka Banaadir Sheekh Maxamed Xasan Cumar (Abuu-Cabdiraxmaan)ayaa maanta geeyey warbaahinta ka howlgasha magaalada Muqdisho qaarkood Degmada Dayniile halkaas oo shalay uu dagaal culus ku dhexmaray ciidamada AMISOM oo kaabaya kuwa DFKM .

Saraakiil u hadalay DFKM iyo ciidamada AMISOM ayaa shalay Sheegtay in ay qabsadeen xarunta degmada Dayniile, Isbitaalka Dayniile, Garoonka diyaaradaha Dayniile iyo weliba deegaano kale taas oo noqotay mid been ah oo ka dib markii warbaahinta ay maanta geeyeen Xarakada Al shabaab .

Gudoomiyaha Ururka Al-Shabaab ee gobalka Banaadir Sheekh Maxamed Xasan Cumar (Abuu-Cabdiraxmaan)ayaa ku wareejiyey wariyaasha goobaha kala ah xarunta degmada Dayniile, Isbitaalka Dayniile, Garoonka diyaaradaha Dayniile waxaana gacanta si buuxa ugu haya ciidamada Ururka Al-Shabaab.

Sheekh Maxamed Xasan Cumar (Abuu-Cabdiraxmaan) ayaa waxaa uu saxafiyiinta galabta uu soo tusay qaybo ka mid ah dhismayaasha Isbitaalka Dayniile oo ay ku dhaceen madaafiic wuxuuna sheegay in dagaalkii shalay ay si weyn ugu jebiyeen ciidamada DFKM iyo kuwa AMISOM.

Ciidamada Burundi oo ka tirsan kuwa AMISOM ooo ay weheliyaan kuwa DFKM ayaa shalay duulaan ku qaaday Dagmada Dayniile waxaan halkaas ka dhacay dagaal culus oo sababay khasaaro kala duwan.

C/Casiis Maxamed
Halgan.net