.gif)
Dagaal saaka ka dhacay degmada Dhuusamareeb ee xarunta gobolka Gal-gaduud
March 20, 2012 - Written byGalgaduud:-Wararka ka imaanayaa magaalada Dhuusamareeb ee xarunta gobolka Gal-gaduud ayaa sheegay in saaka ay ciidamo ka tirsan Al-shabaab ay ku soo qaadeen weerar gaadmo ah taas oo suurta gelisay in ay gudaha u galaan magaalada halka ciidamadii Ahlusunha ay dib uga gurtaan magaalada.
Dagaalka ayaa waxaa ka dhashay khasaaro iskugu jira dhimasho iyo dhaawac soo kala gaaray 2-da koox ee dagaalka u dhexeeyey, iska horimaadka ayaa waxaa sidoo kale khasaaro ay ka soo gaartay dad rayid ah oo rasaasta la isku ridayey ay guryahooda ugu tagtay.
Sarkaal u hadlay ururka Al-shabaab ayaa sheegtay in ciidankiisu ay qabsadeen gaadiid dagaal , hub iyo ayna khasaaro gaarsiiyeen ciidankii ay la dagaalamyeen kana saareen Degmada Dhuusomareeb .
Dhinac kale Sarkaal u hadlay Ururka Ahlusunaha ayaa sheegay in dagaalka saaka lagu soo qaaday fariisamahooda ay iska difaaceenwuxuuna sheegay in ay dib u qabsadeen degmada Dhuusamoreeb oo uu sheegay in ay iyagu dib uga gurteen markii hore, dagaalka saaka ka dhacay magaalada ayaa waxaa gudaha magaalada soo galay ciidamo ka tirsan Al-shabaab sheegaynay in ay iyagu la wareegeen Degmada Dhuusamareeb.
Goob jooge ku sugan degmada Dhuusamreeb ayaa saxaafada u sheegay in magaalada Dhuusamreeb ay ku sugan yihiin Ciidamo ka tirsan Kooxda Ahlusunaha oo iyagu markii hore ka talin jiray Dhuusamareeb.
A/cawaale
Halgan.net
