Muxaadaradii 1aad ee ka digitaanka Gaalaysiinta Muslimiinta Muta’awiliinta Sh Maxamuud Shibli( Video)

June 3, 2012 - Written by

Sh. Maxamuud Sheekh. Maxamed Shibli oo in dhawaaleba masaa’il khatarta ah uga hadlayey si cilmi ah, ayaa xalay waxa uu bilaabay Muxaadaro uu uga hadlayo waxa ay ahlu Sunaha ka yiraahdeen gaaleysiinta dadka muta’awiliinta ah ee ay Culimadu kowda ka yihiin. Shiikha ayaa sheegay in Soomaaliya ay ku sugan yihiin laba qolo oo ku xadgudubtay gaaleysiinta aan shareecada waafaqsaneyn, wuxuuna ku kala sheegay:

1- Qolo hore oo Takfiir loo yaqaan.

2- Qolo kale oo hadda joogta oo aan waxba ka sokeynin Takfiirka caadiga ah.

Shiikha ayaa sheegay in qolyahan dambe ay siyaabo dadban u sheegaan in Soomaalidu ay gaalo u arkaan, balse waxa uu Shiikhu sheegay in duruuftu ay u saamixi la’dahay inay si toos ah bareerahooda u muujistaan. Sh. Shibili ayaa sheegay in qolyahan dambe waxyaabaha ay dadka ku gaaleysiiyaan ay ka soo min-guuriyaan kitaab lagu magacaabo (Idaaratu Tawaxush) oo uu qoray nin lagu magacaabo Abuu Bakar Naaji, wuxuuna Shiikhu carrabka ku adkeeyey in arimahani ayan aheyn kuwa hadda bilowday.

Shiikha ayaa sheegay in dhaqanka Khawaarijta ay ka mid tahay caayidda Culimada iyo leyntooda, wuxuuna intaas ku daray in qolyo ajar ka doonanaya ay jiraan dilka, qixinta iyo caayidda Culimada, wuxuuna tusaale u soo qaatay in Dr. Axmed Xaaji C/raxmaan uu dilay nin salaad ku garab tukaday.

Sh. Shibli oo ka waramayey waxyaabaha ay qolyahan dambe aaminsan yihiin, ayaa sheegay in ay caado ka dhigteen in meesha laga saaro shuruudihii iyo waxyaabihii qofka ama bulshada Kufriga ka horistaagayay haddiiba uu ku dhaco wax Kufri ah oo sharciga boos looga helo, wuxuuna Shiikhu ka digay in sidaas loogu cayaaro cilmigii ay Culimada Sunadu qarireen.

Dhinaca kale Shiikha ayaa muxaadaradiisa oo socon doonta habeenada soo socda uga waramay sida Culimada Sunadu ayan ugu deg degi jirin dadka Muta’awiliinta ah ee daliilku si kale ula muuqday, wuxuuna soo guuriyey hadaladii ay Culimada Sunadu ka yiraahdeen arinkaas.

Ugu dambeyntii: Sh. Shibli ayaa sheegay inuu ka hadli doono hadalada Culimada ee uu xalay soo guuriyey halka ay ka soo dheegteen iyo nusuusta ay cuskadeen, wuxuuna Shiikhu carrabka ku adkeeyey inuu soo bandhigi doono waxyaabo badan oo si kale dadka loogu aqriyey.

Dadweynihii dhageysanayey Muxaadarada Shiikha ayaa aad ugu riyaaqay Mowduucaan Shiikhu ka hadlay, iyadoona si cilmi ah ay wax badan uga ogaadeen masaa’il waayadan ka taagnaa fagaarayaasha Soomaalida. Illaahay Shiikha ha u barakeeyo Cilmigiisa, cimrigiisa iyo camalkiisa.

Hoos Ka Dhagayso Muxaadaradii 1aad ee ka digitaanka Gaalaysiinta Muslimiinta Muta’awiliinta Sh Maxamuud Shibli( Video).

9 comments on “Muxaadaradii 1aad ee ka digitaanka Gaalaysiinta Muslimiinta Muta’awiliinta Sh Maxamuud Shibli( Video)”

Maxamed Cabdi on June 1, 2012 at 8:09 am said:

walaal muxaadirada lama daawankaro maxaa ka qaldan waxa ku qoran videoga waa khaas markaa ma cid gaara ayaa daawankarta muxaadirada

Reply ↓
Abuu Liibaan on June 1, 2012 at 9:18 am said:

Ajir iyo xasanaat ilaah ha idinka siiyo anagana Ilaah ha inagu anfaco walaalaha halgan.net waxaan ka codsan lahayn inay noo soo galiyaan muxaadarooyinkii ka dambeeyay.

Reply ↓
Maryama on June 1, 2012 at 11:08 am said:

Salaamu calaykum

ilaahay khayr ha idin siiyo walaalaha Halgan.net iyo Sheekheena Sh Shible aad baad u mahadsan tihiin

Reply ↓
abdullahi mohamed hassan on June 1, 2012 at 11:18 am said:

Lama daawan Karo, markaa dadweynaha aan daawan maba qiimayn karaan waxa shiikhu ka hadlayo

Reply ↓
Abdi rahman on June 1, 2012 at 1:29 pm said:

c/raxmaan maxamed
Muxaadarada lama daawan karo lamana rogan karo ee maxaa kaqaldan

Reply ↓
- editor on June 1, 2012 at 3:01 pm said:
  
  Maamulka Halgan.net
  
  Waa mahadsan yihiin walaalihii emailda badan noo soo diray oo nagu baraarujiyey in muxaadarada aysan dhaqeynay waan saxnay alle
  Khayr badan ha idin siiyo idinka iyo Sheekh Maxamuud Shible
  
  Reply ↓
ali on June 5, 2012 at 4:37 pm said:

Ac waad ku mahadsantihiin hawsha aad dacwada u haysaan. walaal muxaadaradaan sheekhu jeedinayo iyo ciwaanka aad u qorteen isma leh. muxaadaradaan waa kuwii ka hadlayay aayaatu waciid ee ma ahan kuwa aad ciwaanka ku qortee marka saxa jazaakumu laahu khayr

Reply ↓
Bashir sheekh khalif on June 6, 2012 at 8:54 am said:

allah ha idinka ajirsiiyo idinka iyo sheekha, anagana ilaahay hanagu anfaco, waxaana idinka codsanayaa in aad noosoogudbisaan muxaadarooyin kahadlaya xaalada ama waaqica kataagan dunida iyada oo sheekhakha ay kudabakhayaan sida oogu fudud ee ay ufahmikaraan dhalinta si ay ooga fogaadaan xaaladaha iskhilaafsan ee ka dhaxtaagan muslimiinta.
khayr illaah ha idinsiiyo.

Reply ↓
jibril abdi on June 7, 2012 at 6:33 pm said:

maashaa allaah waa maxaadaro aad uqiimo badan sheekha iyo dhamaan walalaha halgan allaha ajar kasiiyo anagane allaha nagu anfaco

Reply ↓