Sheekh Cabuud oo koox hubeysan ee ku dileen magaalada Mombaza

Mombaza:-War haatan naga soo gaaray magaalada Mombaza ayaa sheegaya in koox hubeysan ay ku dileen magaalada Mombaza Sheekh Aboud Rogo oo ay dowlada Mareykanka ku eedeysay in uu xiriir dhow la lahaa Ururka Al-Qacida waxaana haatan kacsan xaalada magaalada Mombaza.

Sheekh Aboud Rogo  ay rumaysan yihiin taageerayaasha Sheekh in dilka Sheekh ay fuliyeen Sirdoonka dowllada Kenya ama  reer galbeedka oo taakuleyn la daba taagan ciidanka Kenya ee duulaanka ku ah dalka Soomaaliya gaar ahaan gobalada J/hoose iyo Gedo.

Allaha u naxariistee Sheekh Cabuud Rogo ayaa u geeriyooday dhaawac ka soo gaaray madaxa halka xaaskiisa oo la socotayna uu dhaawac ka soo gaaray lugta midig  waxaana waxba gaarin qaar ka mid ah caruurtiisa oo la socotay.

Taliya ku xigeenka Booliska magaalada Mombasa Joseph Kitur ayaa xaqiijiyay in la dilay Sheekh Cabuud Rogo waxaana uu sheegay in ragii dilka fuliyey ay baxsadeen.

Magaalada Mombaza ayaa aad waxaa u kacsan shucuurta dadka Muslinka ee degan magaalada waxaana magaalada lagu soo daadiyey ciidamo dheeraad ah.

Wixii warar ah ee ka soo kordha dilka Sheekh Cabuud Rogo dib baan idiinka soo gudbin doonaa Inshalaah.

C/Casiis Maxamed
Halgan.net