Qarax Ismiidaamin ah oo ka dhacay maqaayad ku taala Isgoyska KM4 ee Muqdisho

Muqdisho:-Qarax Ismiidaamin ah, ayaa galabta waxa uu  ka dhacay maqaayad ku taala KM4 Muqdisho Sida ay sheegayaan wararka ka soo baxaya halka qaraxu ka dhacay, laba nin oo walxaha qarxa wata ayaa isku dayey inay gudaha u galaan maqaayadda The Vilage ee ku taala agagaarka KM4, waxaana dhacday inay israsaaseyn dhex martay labada nin ee doonayey inay is qarxiyaan iyo ilaalada maqaayadda.

Nimankii doonayey inay is qarxiyaan ee labada ahaa iyo laba ka mid ah ilaada maqaayadda ayaa la rumeysan yahay inay ku dhinteen goobta, iyadoona maqaayaddu ay tahay mid ay isugu yimaadaan siyaasiyiin badan oo ay xildhibaano saraakiil kaleba ku jiraan.

Magaalada Muqdisho, ayaa in dhawaaleba waxaa ku soo badanayey qaraxyada, iyadoona kan kii ka horreeyey uu ka dhacay qeyb ka mid ah maqaayadda Village oo ku taala degmada X/weyne, kaasoo ay ku dhinteen dad wariyaal ay ka mid ahaayeen.

Halgan.net/Somalireal