Sanad Guurrada 69-aad ee ciidanka Booliska Soomaaliya oo laga xusay Muqdisho

Muqdisho:-Waxaa maanta si weyn looga xusay magaalada Muqdisho Sanad Guurrada 69-Aad ee ka soo wareegtay markii dhidibada loo aasay Ciidanka Booliska Soomaaliya  sanadkii 1943.

Xaflada sanad-guuradii 69-aad ee ka soo wareegatay markii la aasaasay ciidanka Booliska Soomaaliyeed ayaa waxaa ka soo qeyb galay Raisulwasaaraha DFS  Cabdi Faarax Shirdoon  iyo xubno ka mid ah golihiisa wasiirada.

Xuska Sanad Guurradii 69-aad ee markii la aasaasay ciidanka Booliska Soomaaliya ayaa waxaa lagu qabtay Dugsiga Tababrka ee SchoolPolizio waxaana cutubyo ka tirsan ciidanka Booliska ay salaan sharaf  ku soo dhoweeyay madaxada DFS ee uu horkacayo Raisulwasaare Shirdoon .

 Ciidamada DFS iyo kuwa AMISOM ayaa saaka aad u adkeeyay ammaanka magaalada Muqdisho waxaana ciidamo lagu daadiyey waddooyinka soo gala ama ka baxa Dugsiga Tababrka ee SchoolPolizio . 

C/Casiis Maxamed
Halgan.net