Ciidanka Puntland oo dhaqdhaqaaq ka wada deegaano ku dhow buuraleyda Galgala

Boosaaso:-War haatan naga soo gaaraya magaalada Boosaaso ee xarunta gobalka Bari ayaa sheegaya in ciidamo ka tirsan Puntland ay u ruqaansadeen buuraleyda Galgala waxaana ay ciidamada Puntland ay saaka ka dhaqaaqeen deegaanka Balikhadar

Taliyaha  Ciidamada Daraawiishta ee aaga Gobolka Bari Col.Jaamac Siciid Warsame (Afgaduud) ayaa goordhow la hadlay saxaafada waxaana uu sheegay in ay duulaan ku yihiin Buuraha Galgala oo ay ku jiraan ciidamo ka tirsan Al-Shabaab.

Halgan.net ayaa xiriir la sameysay ilo wareed ku sugan magaalada Boosaaso waxaana ay u xaqiijiyeen in ay jiraan dhaqdhaqaaq ciidan oo ay wadaan ciidamada Puntland .

Wixii faahfaahin ah ee soo kordha waan idiin soo gudbin doonaa Inshalaah saacadaha soo socda.

M_M Deeq
Halgan.net