Nadwo cilmiyeed lagu qabtay magaalada Boorama oo looga hadlay dilkii Sh C/qaadir Nuur

Boorame:-Waxaa  lagu qabtay magaalada Boorama ee xarunta Gobalka Owdal Nadwo cilmiyeed looga hadlay dilkii foosha xumaa ee loo geystay Sheekh C/qaadir Nuur Faarax oo ay kooxda Al-Shabaab ku dileen gudaha Masjidka Bader ee magaalada Garoowe.

Nadwada ayaa waxaa ka soo qeyb galay dadweyne aad u balaaran waxaa ka mid ahaa culumadii ka soo qeyb gashay

1-Sheekh Yuusuf Adan oo kahadlay  tilmaamaha  khawaarijta  iyo  in  ay  muhiim ay tahay  in  dhinac  looga  soo wada jeesto

2-Sheekh Bashiir Ahmed Salaad oo aad   ugu  dheeraday  dhibka  uu  leeyahay  dilka  qof  muslim   ah Iyo  waliba  ujeedada  ka danbeysa  dilka   culimada

3-Sheekh Maxamuud Abu Sheyba oo  isna  ka hadlay  Culimada  in  lagu  xidhnaado  lana  foojignaado afkaarta Khawaarijta .

4-Sheekh C/laahi Sheekh Cali Jowhar  wuxuuna  aad  ugu  mahad  naqay  culimada  soo   booqatay waxa  kale  oo   uu  tilmaamay   in  la  isku  xidhnaado lagana hortago fikirka Khawaarijta ee aan umada waxba reebayn

no images were found

Waxgaradka iyo Isimada gobalka Owdal ayaa aad u soo dhaweeyey culumada socdaalka dacwada ku soo gaaray magaalada Boorama waxaana ay ugu baaqeen culumada in ay wadaan wacyi galinta

Halgan.net
Boorame