Ra’iisul Wasaaraha DFS oo Oslo kula kulmay Ra’iisul Wasaaraha dalka Norway.

September 19, 2014 - Written by Editor

216Norway:-Ra’iisul Wasaaraha Soomaaliya Mudane Cabdiweli Sheekh Axmed iyo wafdi uu hogaaminayo oo ay kamid yihiin Wasiirka Warfaafinta , Mustaf Sheekh Cali Dhuxulow iyo xubno kale oo booqasho rasmi ah ku yimid dalka Norway ayaa maanta magaalada Oslo waxaa ay kulan dheer kula yeesheen Ra’iisul Wasaaraha dalka Norway Marwo Erna Solberg iyo xubno ka tirsan Gollaha Wasiirada ee dalka Norway iyagoo ka wada hadlay xiriirka dheer ee u dhexeeya labada dal iyo taageerada Norway ee dib-u-dhiska Soomaaliya.

Ra’iisul Wasaaraha Soomaaliya ayaa sheegay in uu uga mahadcelinayo dalka Norway taageerada ay u fidiso dawladda Soomaaliya, waxaana uu uga mahadceliyay soo dhoweynta ay u fidiyeen dadka Soomaaliyeed ee ku nool dalka oo lagu qiyaaso 40’000 oo Soomaali ah. Ra’iisul Wasaaraha ayaa soo dhoweeyay sida dawladda Norway ay xilligan ugu heelan tahay in ay gacan ka gaysto dadaalada lagu xasilinayo dalka  iyo dhismaha dawladnimada Soomaaliya. Waxaa sidoo kale ay ka wada hadleen labada dhinac taageerada Waxbarashada, Gargaarka Bani’aadanimo, Shaqo-abuurka iyo in ay Soomaaliya laga caawiyo sidii ay u maamulan lahayd khayraadka dalkeeda.

“Xiriirka u dhexeeya labada dawladood waa mid aad u xoogan, taageerada ay Norway u fidiso Soomaaliyana waa mid sahlaysa dib-u-dhiska dalka kadib burburkii xooganaa ee ku dhacay dadka iyo dalka Soomaaliyeed. Waxaa kaloo aan ka wada hadalnay idii ay gacan uga gaysan lahaayeen in aan ka faa’iidaysanno khayraadka dalkeena iyo sidii shaqooyin loogu abuuri lahaa dhalinyarada Soomaaliyeed, loogana hortago in kooxaha argagixisadu ay dhalinyarada u isticmaalaan dagaalada.”

“Norway waxaa ay naga caawisaa bixinta mushaharka shaqaalaha dawladda oo iyagu ah laf-dhabarta ay dawladdu ku shaqayso, waxaa sidoo kale ay u heelan yihiin in ay gacan naga siiyaan Maamulka Maaliyadda, Waxbarashada iyo tayaynta Hay’adaha Dawladda .” Ayuu yiri Ra’iisul Wasaaraha Soomaaliya .

Dhanka kale waxaa uu Ra’iisul Wasaaraha Soomaaliya Mudane Cabdiweli Sheekh Axmed ayaa la kulmay Ra’iisul Wasaarihii hore ee dalka Norway Mudane Kjell Magne Bondavic iyo mas’uuliyiin kale iyagoo ka wada hadlay xoojinta taageerada loo fidiyo hay’adaha kala duwan ee dawladda Soomaaliya.

END

 

Leave a comment

*

Archives
September 2014
M T W T F S S
1234567
891011121314
15161718192021
22232425262728
2930  
English Article
PRESS RELEASE-THE GOVERNMENT OF PUNTLAND STRONGLY OPPOSES THE MOGADISHU COMMUNIQUÉ PURPORTING TO ADOPT AN ELECTORAL MODEL FOR 201    January 29, 2016
Uganda says to pull out troops from Somalia over Congo charges    November 2, 2012
CIA Secret Prison in Somalia. P – 1    October 29, 2012
Puntland Condemns Terrorist Attack on Civilians at Mogadishu Restaurant    September 22, 2012
Puntland Welcomes Election of New President of the Federal Republic of Somalia    September 11, 2012
Somali Links
Fatwa Online