Ra’iisul Wasaaraha DFS oo u dalxiis tegay Dooxada Jibagalle ee duuleedka Garoowe.[Masawiro]

Garoowe:-Madaxweynaha Dowladda Puntland Dr.Cabdiweli Maxamed Cali Gaas ayaa Maanta Dooxada Jibagalle oo ku taala duleedka Magaalada Garoowe ee Caasimada Puntland qado sharaf ugu sameeyey Raysal Wasaaraha Dalka Soomaliya Cabdiweli Shiikh Axmed iyo Waftigii Balaarnaa ee uu hogaaminayey .

Qado sharaftaan ayaa waxaa goob joog ahaa Madaxweyne ku xigeenka Dowladda Puntland Cabdixakiin Cabdulaahi Camay ,Gudoomiyaha Baarlamanka Puntland Siciid Xasan Shire ,Isimo,Wasiiiro ,Xildhibaano,Saraakil katirsan Madaxtooyada dowladda Puntland,Maamulka Degmada Garoowe iyo kan Gobolka Nugaal iyo Marti sharaf kale .

Raysal  Wasaaraha Dalka Soomaliya Cabdiweli Shiikh Axmed ayaa sheegay in uu aad ugu faraxsan yahay qado sharafta maanta duleedka magaalada Garoowe uu ugu sameeyey Madaxweynaha Dowladda Puntland Dr.Cabdiweli Maxamed Cali Gaas.

Duqa Degmada Garoowe Cabdicasiis Cilmi Koor ayaa isna madasha Qadada kaga dhawaaqay in Degmada Garoowe ay Raysal Wasaaraha Dalka Soomaliya Cabdiweli Shiikh Axmed Gudoonsiinayso Garowe ID-car,Dhulkii uu ka Degi lahaa Magaalada Garoowe iyo Faras Xamar ah.

no images were found

-DHAMMAAD-

Xafiiska Warfaafinta,Wacyigelinta,Hiddaha Iyo Dhaqanka ee Madaxtooyada Puntland.