Diyaaradaha dagaalka ee dalka Kenya oo duqeyn ka geystay tuulada Hargeysa Yarey

Jilib:-Diyaaradaha dagaalka ee dalka Kenya ayaa maanta duqeyn ka geystey meel u dhow tuulada Hargeysa Yarey ee ka tirsan  degmada Jilib ee gobllka Jubabda Dhexe.

Diyaaradaha dalka Kenya ayaa 3 maalmood ee la soo dhaafay waxay duqeymo kala duwan ka geysteen gobalada J/Hoose , J/dhexe iyo Gedo sida ay xaqiijiyeen goob-joogeyaal ku sugan deegaanada  ay duqeyntu ka dhacday.

Madaxada iyo saraakiisha ciidanka dalka Kenya ayaa sheegtay in duqeymaha ay la beegsadeen fariisimo ay kooxda Al-shabaab ku leeyihiin  gobollada Gedo iyo Jubbooyinka waxayna sheegteen in ay dileen dagaalyahano badan balse waxaa la xaqiijiyey in duqeymaha qaar ay khasaaro u geysteen dad rayid ah oo xoolo dhaqato ah .

Dowlada dalka Kenya ayaa waxay aad uga corootay 28 ka tirsan macalimiin wax ka dhiga qaar ka mid ah dugsiyada Degmada Mandheera kuwaas oo ay dileen dagaalyahano ka tirsan Al-Shabaab oo ka soo talaabay dhanka Soomaaliya.

A/Cawale
Halgan.net