Maamulka Ximan iyo Xeeb oo Shaaciyey Wakhtiga la qabanayo shirka G/Dhexe

Cadaado:-Wasiirka arimaha gudaha maamulka Ximan iyo Xeeb Maxmed Xaji ayaa maanta shaaca ka qaaday goorta uu shirka maamul u sameynta gobolada dhexe uu ka furmayo magaalada Cadaado.

Wasiirka arimaha gudaha maamulka Ximan iyo Xeeb Maxmed Xaji ayaa sheegay in kowda bisha 4aad uu ka bilaaban doono shirka maamul u sameynta gobolada dhexe magaalada Cadaado ee xarunta Maamulka Ximan iyo Xeeb .

Wasiirka arimaha gudaha maamulka Ximan iyo Xeeb Maxmed Xaji  ayaa sheegay in DFS iyo beesha Caalamka ay horey u shaaciyeen in shirka maamul u sameynta gobolada dhexe lagu qaban doono magaalada Cadaado arinkaasna wax badalay aysan jirin.

Waxgarad iyo Odayaal ku  shirsan Degmada Dhuusa-mareeb ee xarunta gobolka Galgaduud ayaa sheegay in shirka maamul u sameynta gobolada dhexe  lagu qaban doono Degmada Dhuusa-mareeb iyaga oo diiday in ay tagaan magaalada Cadaado.

Madaxweynaha DFS Xasan Sheikh Maxamuud iyo xubno ka tirsan labada gole ee DFS ayaa wada dadaal lagu dhameynayo khilaafka ka dhex aloosan siyaasiyiinta iyo waxgaradka Cadaado iyo Dhuusa-mareeb .

C/Casiis Maxamed
Halgan.net