Madaxweynaha Puntland Dr.Gaas oo la qaxweeyey shacabka magaalada Garoowe.[Masawiro]

Garoowe:-Madaxweynaha Dawladda Puntland Dr.C/weli Maxamed Cali Gaas ayaa maanta oo ay taariikhdu tahay 29-3-2015 u shaah tagey meherada Kallis oo kamid ah goobaha inta badan ay bulshada qeybaheeda kala duwan ee ku dhaqan caasimada Puntland ee Garoowe u shaah tagaan xiliyada gelinka hore iyo gelinka dambe.

Madaxweyne Cabdiweli Gaas oo ay wehliyaan Masuuliyiinta Maamulka Gobolka, kan degmada, Saraakil ciidan iyo saaraakiil katirsan Madaxtooyada Dawladda Puntland ee Garoowe ayaa muddo saacado ah si kalsooni kujirto ugu qaatay qeyb kamid ah wakhtigooda.

Tallaabadaan wanaagsan ee uu qaaday Madaxweynaha Dawladda Puntland Dr.Cabdiweli Maxamed Cali Gaas ayaa muujinaysa nidaamka iyo nabad-gelyada wanaagsan ee ka jirta gudaha Puntland.

Waxaa dunida ku yar in Madaxweyne inta uu Meherad dadweynuhu isugu yimaadaan uu tago hadana si kalsooni kujirto ugu qaxweeyo halkaas, balse waxaa taas ay kahirgashay Puntland , waana tallaabo kudaysho mudan oo uu horay u qaaday Madaxweyne Cabdiweli Gaas.

DHAMMAAD-
Xafiiska Warfaafinta, Wacyigelinta,
Hiddaha Iyo Dhaqanka ee Madaxtooyada Puntland.