Iska horimaad xalay ka dhacay Tuulada Yalho oo 45 KM u jirta Boosaaso
May 5, 2015 - Written by EditorBoosaaso:-Wararka naga soo gaaraya magaalada Boosaaso ee xaurnta Gobolka Bari ayaa sheegay in iska horiaad hubaysan uu xalay ka dhacay Tuulada Yalho oo qiyaastii 45km dhanka koonfur-bari kaga beegan magaalada Bosaaso. Iska horimaadka ayaa yimid ka dib markii xubno ka tirsan Al-shabaab ay soo weerareen Saldhiga ay Tuulada Yalho ku lahaayeen maleeshiyaad deegaanka oo ay dowladda Puntland ka dhigeen ciidan si ay dhaqdhaqaaqa Al-shabaab ula socdaan.
Deegaanka Yalho waxaa ay ku taalaa silsiladda buuraleyda ee Golis waxayna ku dhow dahay deegaannada Sugurre iyo Galgala oo dhowr jeer uu dagaal ku dhexmaray Ciidanka dowadda Puntland iyokuwa Al-shabaab.
Khasaaraha ka dhashay iska horimaadki hubaysanaa ee xalay ayaa ilaa hadda waxaa ka soo baxay warar is khilaafsan iyadoo qolo walba ay guul ka sheeganayso dagaalkii xalay ka dhacay Tuulada Yalho. Dagaaka oo dhacay waqti habeen ah ayaa waxaa adag in xog rasmi ah laga hello khasaaraha kala gaaray labada dhinac.
Tuulada Yalho ayaa waxaa gaaray Ciidanka PSF-ta ee Puntland iyagoo ka bilaabay howl galo iyo baaritaan walow ilaa hadda aysan jirin Sarkaal ka tirsan Ciidanka Puntland oo ka warbixyey iska horimaadkii xalay ka dhacay Tuulada Yalho.
Dhinac kale ururka Al-shabaa ayaa sheegtay in ay ka danbeeyeen iska horimaadkii xalay ka dhacay Saldhig ku yaal Tuulada Yalho.
M_M_Deeq
Halgan.net