Al-Minhaaj oo in ka badan 600 oo qoys oo danyar ah u qaybisay Raashin.[Masawiro]

Garoowe:-Waxaa maantay Mu’asasada Al-Minhaaj Xafiiskeeda Gobolka Nugaal  oo gacan ka helaysa  Hay’adda Khayriga ee  Cumaan Jaaranti oo laga leeyahay Wadanka Cumaan ay u qaybiyeen raashin dad gaaaya 600 oo qoys kuwaas oo ah dad danyar ah waxaana laga soo xulay  Xaafadaha magaalada Garoowe iyo Xarumaha Barakacyaasha  ee duleedka Garoowe.

Ma ahan tantii ugu horaysay balse waxaa Mu’asasadu horay ugu qaybisay dad gaaraya ilaa 676 qoy  kuwaas oo dhamaan ahaa kuwa aan haysan waxay ku afuraaan Tanina waxay jaanis u tahay dad kale oo iyana aan heli karin wax ku filan .

Waxaa goobta raashinka lagu qaybinayay kahadlay Gudoomiyaha Guud ee Mu’asasada Al-Minhaaj Puntland Maxamed Cabdullahi Cabdille  waxaana ugu mahadceliyay Hay’adda Khayriga ee Cumaan Jaaranti waxaana uu sheegay in ay ku faraxsan yihiin sidda wanaagsan ee  howshaan iskugu soo xil qaameen.

Sidoo kale waxaa isna Goobta ka hadlay Wasiirka Cadaalada Dowlada Puntland  Saalax Xabiib Xaaji Jaamac waxaana uu si kal iyo laab ah ugu mahadceliyay Waftigaan iyo Dowladda Cumaan ee aan walaalaha nahay  waxaana isagoo ku hadlaya magaca Dowlada Puntland uu gacmo furan ugu soo dhaweeyay Gudaha Puntaland .

Ugu Danbayntii waxaa Isna dhankiisa ka hadlay Maxamed Al-wahaabi oo ka socday Hayada Khayrigaa ee Cumaan Jaaranti waxaana oo sheegay in ay deeqdaani tahay tii Koowaad balse aysan ahaan doonin tii ugu danbaysay ee in badan aan ku soo laaban doono dhulka Puntland waxaana uu ka mahadceliyay Sidda wanaagsan ee Dowladda iyo shacab u soo dhaweeyeen.

no images were found

Xafiiska Warbaahinta Mu’asasada Al-Minhaaj
Garoowe,Somalia .