Xaflad Iskugu Jirta Abaalmarin Iyo Natiijadii Imtixaanka Machadka Khadiija oo ka dhacday Garowe.[Masawiro]

January 16, 2016 - Written by Editor

Garoowe:-Waxaa dabaqa sare ee masjidka Al-Huda Garowe lagu qabtay xaflad si wanaagsan loo soo agaasimay xafladaan oo ahayd mid lagu shaacinayay Ardaydii ka gashay kaalimaha hore Imtixaankii Machadka Khadiija ee magaalada Garoowe. Xafladaan waxaa kasoo qaybgalay xubno ka socday Wasaaradda waxbarasha Dowladda Puntland, Culima Awdiin , Waaridiin , masuuliyiinta Mu’asasada Al-minhaaj iyo marti sharaf badan.

Ugu horaynba waxaa xaflada ka warmay Gudoomiyaha Machadka Sh.Mukhtaar Axmed Faarax waxaana uu warbixin dheer ka bixiyay Taariikhda Machadka iyo Kaalinta Qiimaha badan ee uu kaga jiro waxbarashada Gobolka. Dhan kale waxaa isna dar daaran Iyo dhiirigalin u soo jeediyay ardayda mahcadka khadiija Sh. Maxamuud Xaji Yuusuf, Sheekha Gobolka Nugaal waxaana uu u dardaarmay ardayda in ay Umada gaarsiiyaay waxay barteen Islamarkaana ay siiwataan Barashada Culuumta Shareecada Islaamka.

Waxaana dhamaan martidii Xaflada ka hadlay ay qireen kaalinta muga leh ee Machadku kaga jiro waxbarashada guud ee gobolka gaar ahaan Barashada Shareecada Islaamka.

Ugu danbayntii waxaa Xaflada soo xiray Madaxa kormeerka waxbarashada Gobolka Nugaal Cumar Guureeye Maxamed isagoo amaanay Mac-hadka Khadiija Iyo Ardaydii ku guulaysatay Kaalimaha hore ee Tartanka waxaana uu aradydii gashay Kaalimaha hore U qaybiyay Abaalmarimo kaladuwan oo lasiiyay Ardaydii Gashay Imtixaanka Kaalimaha 1-aad Iyo 2-aad waxaana ardaydii kaalimahaas kuguulaystay wajiyadooda laga dheehan karay farxad heersara ah.