Ciidanka DFS iyo Al-Shabaab oo ku dagaalamay Deegaanka Suriya ee gobalka Gedo

Wararka ka imaanaya deegaano ka tirsan gobalka Gedo ayaa sheegaya in dagaal uu dhexmay ciidanka DFS ee gobalka Gedo iyo Al-Shabaab waxaan uu dagaalka xoogiisa ka dhacay deegaanka Suriya ee Duleedka Degmada Buurdhuubo.

Deegaanka Suriya oo u jira 12 KM Degmada Buurdhuubo ee uu dagaalku ka dhacay ayaa waxaa la wareegay ciidanka DFS waxaana duleedka deegaana Suriya ku sugan kooxda Al-Shabaab.

Saraakiil ka tirsan ciidamada Dowladda ayaa xaqiijiyay in 4 Askari in uu kaga dhintay dagaalka ka dhacay deegaanka Suriya waxaana ay sheegeen in ay iyagu haatan ku sugan yihiin deegaanka Suriya.

Guddoomiye ku xigeenka dhanka arimaha Bulshada C/raxmaan Cali Guuleed oo warbaahinta la hadlay ayaa sheegay in ay khasaaro badan u geysteen kooxda Al-Shabaab wuxuuna intaa ku daray in ay Al-Shabaab haatan ku sugan yihiin Dhuuroole .

A/Cawale
Halgan.net