Howlgalo lagu sugayo amaanka gobalka Nugaal oo ka bilaawday magaalada Garoowe (Masawiro)

Ciidanka nabadgelyada ee gobolka Nugaal ayaa saaka magaalada ka bilaabay howlgalo ammaanka lagu xaqiijinayo, waxaana ay gacanta ku dhigeen dhalinyaro iyo askar hub ku dhexwadatay magaalada Garoowe.

Taliyaha ciidanka kumaandoonka Puntland Col. Jimcaale Jaamac Takar, gudoomiyaha gobolka Nugaal Cumar Faraweyne iyo duqa degmada Garowe Xasan Goodir ayaa faahfaahin ka bixiyey howlgalada ka socda magaalada Garoowe.

Guddoomiyaha Gobolka Nuugaal Cumar Cabdullaahi Farawayne ayaa uga digay dhamaan kuwa amaan darada ka wada magaalada ama degan dooxooyinka ama wadooyinka xiray wuxuuna sheegay in ay gacan bir ah isaga qaban doonaan.

Dadweynaha ku dhaqan magaalada Garoowe ee caasimada Puntland ayaa aad u soo dhaweeyey howlgalada Danab 2 waxaana ay wada shaqeyn buuxda u muujiyeen ciidamada howlgaada ka wada magaalada Garoowe.

Saraakiisha Amaanka ee Puntland ayaa sheegay in howlgalada Danab ee ka socda Garoowe ,Gaalkacyo ay u gudbi doonaan magaalooyinka kale sida Qardho ,Boosaaso ,Carmo iyo magaalooyin kale .

M_M Deeq
Halgan.net