Dagaal ka dhacay Galbeedka magaalada Gaalkacyo oo Khasaaro gaarsiiyey Shacab.

Gaalkacyo:-Wararka naga soo gaaraya magaalada Gaalkacyo ee xarunta gobalka Mudug ayaa sheegaya in Dagaal u dhexeeya Ciidamada Maamulada Puntland iyo Galmudug  uu saaka iyo galabta uu ka dhacay Galbeedka Magaalada Gaalkacyo ee Xarunta Gobolka Mudug.

Dagaalka ka socda magaalada Gaalkacyo ayaa waxaa khasaaro leh dhimasho iyo dhaawac u geystay shacabkii ku noolaa magaalada kuwaas oo ay xaafadahooda ugu tageen Hubka la isku ridayo.

Isbitaalada magaalada Gaalkacyo ayaa la geeyey rayid uu soo gaaray Dhaawac kala duwan. Duqa Degmada Gaalkacyo Xirsir Yuusuf Bare ee dhinaca Galmudug oo ka hadlay dagaalkii maanta ayaa ku eedeeyey Puntland in ay duulaanka ku soo qaadeen Galmudug ayna hub culus  iyo Taangiyo ay la dhacayaaan Shacabka .

Hoos ka Dhageyso Duqa magaalada Gaalkacyo ee dhinaca Galmudug oo ka hadlay dagaaladii saaka ka dhacay Gaalkacyo.

Dhanka kale Puntland ayaa warsaxaafadeed ka soo saaray dagaalka ka dhacay maanta Galbeedka magaalada Gaalkacyo waxaana ay uga digtay DFS in faraha kala baxdo dagaalka ka socda Gaakacyo iyada oo ku celisay in ay cadeymo u heyso in DFS ay qeyb ka tahay dagaalka ka socda Gaalkacyo.

Waxgaradka iyo culuma,udiinta magaalada Gaalkacyo ayaa wada dadaal ay ku joojinayaan dagaalka u dhexeeya labada Maamul kaas oo uusan wax dan ah ugu jirin in ay is laayaan oo ay shacbaka Barakiciyaan.

M_M Deeq
Halgan.net