Hay’adda HARO oo magaalada Garoowe Iyo Dangoroyo ku ciidsiisay ilaa 150 Agoon ah.[Masawiro]

Garoowe:-Waxaa Masjidka weyn ee Al-huda ka dhacay gudoonsiin lacag la guddoon siiyay carruurta agoonta ah ee ku sugan magaalada Garowe , barnaamijkan ayaa waxaa la qabtaa , labada cidood ee Fidriga iyo Adxaa waxaana fulisay Hay’ada Haro Xafiiskeeda Puntland . Xafladda lagu gudoonsiinayay lacagata carruurta ayaa waxa kasoo qeybgalay Mas’uuliyiin ka socotay Degmooyinka Garoowe iyo Dangoroyo/ Wakiilka Hay’adda Haro Puntland iyo marti sharaf kale. 30 kamid ah agoontaan waxaa lagaarsiiyay Agoonta Kunool Degmada Dangoroyo oo katirsan Gobolka nugaa Waxaana soo Fuliyay Sh Maxamed Xamari iyo Wafti uu hogaaminayo.

Waxaa ugu horeyn munaasabadda ka hadlay Sheekh Yaasiin Cabdullaahi ,isagoona u mahad celiyay ururka samafalka HARO,iyadoo uu u duceeyay cid alaala cidii gacanta ka geysatay inuu ilaah ugu bedelo wax ay ku farxaan,maadaama carrurta agoonta ah laga farxiyay maanta,islamarkaana aysan heysan wax ay ku ciidaan maalinta ciidda. Intaas kadib Sheekh Yaasiin ayaa ka warbixiyay marxlada ay soo martay howshaan caruurta lagu gudoonsinayay lacagta ciida, iyadoo uu sheegay in howshaan ay ahayd mid uu horay u soo waday Marxuum Sheikh C/qaadir Nuur Faarax waxaana howshaan haatan wada Jimciyadda,iyadoo taageero ka helaysa Ururka samafalka ee HARO.

Hay’adda HARO
Garoowe,Halgan.net