Ciidamada PSF ee Puntland oo howlgalo ka fuliyey buuraleyda Galgala

Wararka naga soo gaaraya magaalada Boosaaso ee xarunta gobalka Bari ayaa sheegaya in Ciidamada PSF ay howlgalo balaaran ka fuliyeen Buuraha Galgala waxaana ay howlgaladaas khasaaro ugu geysteen kooxda Al-Shabaab ee ku dhuumaaleysanaya buuraleyda Galgala .

Ciidamada PSF ayaa waxaa ay galeen laba saldhig oo ay Al-Shabaab ku dhuumaaleysan jiraeen kuwaas oo ay ku lahaayeen inta u dhexeysa deegaanada Madarshoon iyo Diindigle .

Saraakiil ka tirsan Ciidanka PSF oo la hadlay Warbaahinta ayaa sheegay in hawlgalkooda ku dileen ilaa 12 dagaalyahan oo ka tirsan Ururka Alshabab ayna la wareegeen agab aad u tiro badan .

Madaxweynaha Puntland Dr Cabdiweli Maxamed Cali Gaas ayaa sheegay in dagaalka ay kula jiraan kooxda Al-Shabaab iyo Daacish ay wadi doonaan ayna isaga filan yihiin wuxuuna ka codsaday shacabka Puntland in ay garab istaagaan ciidanka Amaanka .

M_M Deeq
Halgan.net