Madaxweyne Farmaajo oo Furay Kalfadhigga Baarlamanka JFS (Dhageyso)

Madaxweynaha Somalia Maxamed Cabdulaahi Farmaajo ayaa maanta si rasmi ah u furay kalfadhigii 2-aad ee baarlamaanka 10-aad ee Soomaaliya.

Madaxwaynaha oo jeedinayay khudbadda dastuuriga ah ee furitaanka kalfadhiga ayaa adkeeyay muhiimadda ay leedahay in laamaha kala duwan ee dowladda ay si wada jir ah uga mira dhaliyaan hawlaha horyaalla si loo xaqiijiyo himilada shacabka Soomaaliyeed.

Madaxwayne Farmaajo ayaa Golaha Shacabka uga warbixiyey waxqabadkii dowladda, isagoo sheegay in ay xukuumadda ku guuleysatay joogteynta mushaaraadka iyo gunnooyinka shaqaalaha dowladda, xakamaynta hubka sharci darrada ah, hawl galinta ciidamo u gaar ah nabadaynta Caasimadda iyo xoojinta wada shaqaynta dowladda Federaalka ah iyo dowlad goboleedyada.

Munaasabadan ayaa ka sokow xildhibanda labada aqal ee baarlamaanka waxaa goob joog u ahaa madaxda maamul goboleedyada federaalka ah.

Faahfaahinta warkan waxaa Muqdisho kasoo diray Xasan Kaafi Qoyste

VOA Somalia
Halgan.net