Xaflad Xil Wareejin ah ee Mu,asasada Ummah oo ka dhacday magaalada Kismaayo (Masawiro)

Kismaayo:-Mu,asasada Ummah oo ah Mu,asasa ka shaqeesa dacwada, tacliimta iyo horumarinta ayaa waxay yeelatay gudoomiye fulin oo cusub, Mu,asasada oo saldhigeedu yahay magaalada Kismaayo ayaa waxaa la aasaasay 2015kii bishii 08daad, waxaana gudoomiye fulin ka noqday xiligaa Sheekh Cabdirashiid Weli Ibraahim oo Maalintii Jimcada ahayd 02/02/2018 ku wareejiyay Sheekh Sulub Macalin qorane.

Xafladda xil kala wareejinta oo ka dhacday Hoteel Kismaayo waxaa ka soo qaybgalay dad farabadan oo kakala socday bulshada qaybaheeda kala duwan, waxaana halkaa ku soo bandhigay waxqabadkii Mu,asasada Maamulkii hore ee Mu,asasada oo uu u hadlay Sheekh Yuusuf Shilaabo oo ka mid ahaa golihii fulinta hore ee Mu,asasada.

Waxaa kaloo marti u ahaa Xafladdii xilwareejinta Mu,asasada oo hadal kooban oo dhiirin ah ka soo jeediyay Sheekh Cabdiwahaab Daarul Cilmi oo ka mid ah Ducaadda Soomaalida Ee Denmark kana mid ah Mas,uuliyiinta Mu,asasada EMA oo ka hawlgasha wadamada Yurub badankeeda.

Ugu danbaystii waxaa malafaatkii Mu,asasada ku kala wareegay gudoomiyihii hore Sheekh Cabdirashiid Weli iyo Gudoomiyaha Cusub Sheekh Sulub Macalin Qorane oo labadaba hadalo kookab ka jeediyay xafladda.

Mu,asasada Ummah ayaa ka mid ah Mu,asasaatka Hoos taga Jamaacada ictisaam Bil kitaab Wasunnah si gaar ahna waxay Mu,asasada u hoos tagtaa Mu,asasada Safaa ee ka hawlgasha Koofurta Soomaaliya waana faraca Mu,asasada Safaa ee gobolka Jubbada hoose.

Halgan.net
Kismaayo.