Maamulka Gobolka Bari oo ka shiray wax ka qabadka qulqulka Itoobiyaanka ee Boosaaso.[Masawiro]

Boosaaso:-Guddoomiyaha Gobolka Bari Yuusuf Max’ed Wacays (Dhedo), Agaasimaha Qaxootiyada Puntland Burhaan Huruuse Xaashi, hey’adaha ka shaqeeya arrimaha muhaajiriinta iyo qaar ka mid ah nabadoonada gobolka bari ayaa maanta shir ku yeeshay Xafiiska gudoomiyaha Gobolka ee Bosaso. 

Shirkaan ayaa lagu lafaguray siddii looga jawaabi lahaa, xalna loogu heli lahaa muhaajiriinta Itoobiyaanka ah ee beryahan danbe ku soo qulqulaya deegaanada Puntland. 

Dood iyo falaqayn dheer ka dib masuuliyiintaasi waxay isla qaateen in la dardargeliyo ka jawaabista iyo wax qabashada muhaajiriinta iskudhafan sida ugu dhaqsaha badan.

Maalmihii u danbeeyey ayaa waxaa baraha bulshada ay ku kulanto waxaa lagu baahiyey Muhaajiriin Itoobiyan ah oo u badan Oromo oo ku qulqulaya magaalada Boosaaso ee xarunta Gobolka Bari si ay uga sii tahriibaan  arrinkaas oo dadka ku dhaqan Boosaaso ku abuurtay walaac  waxaan Nabadoonada , Culimada iyo Waxgaradku ka codsadeen maamulka Gobolka Bari in ay wax ka qabtaan Muhaajiriinta Itoobiyaanka ah ee ku soo qulqulaya deegaanda Puntland guud ahaan gaar ahaan Gobolka Bari.

M_M_Deeq
Halgan.net