Puntland oo DFS iyo Camey ku eedeysay khal-khalgalinta amaanka iyo doorashada Puntland
December 5, 2018 - Written by EditorGaroowe:-Madaxweynaha Puntland Cabdiweli Maxamed Cali(Gaas)ayaa eedeyn kulul u soo jeediyey madaxada DFS iyo madaxweyne ku xigeenka Puntland Camey isaga oo ku eedeeyey in ay rabaan in ay khalkhal galiyaan doorashada madaxtinimada Puntland taas oo dhici doonta 8 Jan 2019.
War-saxaafadeedka ka soo baxay Madaxtooyada Puntland ayaa waxaa lagu sheegay in DFS ay fara-gelin ku hayso doorashooyinka dowlad Puntland halka madaxweyne ku xigeenka Puntland uu fulinaya awaamiir laga soo siiyay xamar si khalkhal loo gasho amaanka iyo doorashada Puntland .
Dhanka kale Warsaxaafadeedka ka soo baxay Madaxtooyada Puntland ayaa waxaa lagu cadeeyey in doorashada Puntland ay dhacayso wakhtigeeda waxaana shacabka loogu baaqay in ay ilaashadaan amnigooda iyo wada jirkooda.
M_M Deeq
Halgan.net