Madaxweynaha Puntland oo Kormeeray Taliska Guud ee Ciidanka Asluubta Puntland.

March 16, 2019 - Written by Editor

Madaxweynaha Dowladda Puntland Mudane Siciid Cabdullaahi Deni ayaa kormeeray Xarunta Taliska Guud ee Ciidanka Asluubta Dowladda Puntland iyo Xabsiga dhexe ee Magaalada Garoowe.

Kormeerka Madaxweynaha ayaa waxaa ku wehelinaayey Wasiirka Wasaaradda Cadaaladda iyo Arrimaha Diinta Cawil Shiikh Xaamud, Wasiirka Wasaaradda Shaqada, Shaqaalaha, Dhallinyarada iyo Ciyaaraha Jaamac Faarax Muuse, Wasiiru Dowlaha Madaxtooyada iyo Arrimaha Dastuurka Saalax Xabiib Jaamac, Taliyaha Ciidanka Asluubta Puntland S/Gaas. Cali Nuur Cumar, iyo saraakiil ka tirsan Madaxtooyada Puntland.

Madaxweynaha Dowladda Puntland ayaa kormeeray dhammaan qaybaha uu ka kooban yahay Taliska Ciidanka Asluubta Puntland, isagoona Madaxweynuhu mid mid u xog waraystay saraakiisha ciidanka Asluubta ee Taliska ku sugnayd.

Sidoo kale Madaxweyne Deni ayaa kormeeray xabsiga weyn ee Magaalada Garoowe, waxaana uu Madaxweynuhu la kulmay maxaabiista xabsiga ku jirtey, isagoo ka xog waraystay xaaladdooda guud, Madaxweynaha ayaa u sheegay maxaabiista in si dhaw uu u eegidoono kiisaskooda, fursadna siinayo warbixinta maxbuuswalba.

Taliyaha Ciidanka Asluubta Puntland S/Gaas. Cali Nuur Cumar ayaa ka warbixiyey Kormeerka Madaxweynaha.

“Madaxweynuhu maanta waa nooyimid arrimo badan ayaan tusnay, wuxuu kormeeray xarumaha uu ka kooban yahay Taliska Ciidanka Asluubta, xabsiga ayaan tusnay Madaxweynaha, waxa uu u kuurgalay xaaladda maxaabiista, Sidoo kale waxaan u tusmaynay waxqabadkii iyo shaqooyinkii aanu gacanta ku hayney”

“Waxbadan buu Madaxweynuhu balanqaaday inuu u qabanaayo Asluubta, markuu uu yimidba xafiiska tixgelintii koowaad buu nasiiyey, haddana wuxuu amarnagu-siiyo shaqooyinka baaxadda leh ee aan hayno inaan sii wadano, Dhinaca kale Madaxweynuhu wuxuu Taliska iyo Maxaabiistaba amray oo ugu tabarucay in Geel iyo wixii kale ay u baahan yihiinba loo-sameeyo.” Ayuu yiri Taliyaha Ciidanka Asluubta S/Gaas Cali Nuur Cumar.

Ugu dambayn, Madaxweynaha Dowladda Puntland Mudane Saciid Cabdullaahi Deni ayaa tababar usoo xidhay ciidan Dhibaw ah oo ka tirsan ciidanka Asluubta, kuwaasi oo tiradoodu dhammayd 20, waxaana uu tababarku u socdey ciidanka muddo dhan 3 bilood.

-DHAMMAAD-

XAFIISKA, WARFAAFINTA, WACYI-GELINTA, HIDDAHA IYO DHAQANKA MADAXTOOYADA DOWLADDA PUNTLAND

Leave a comment

*

Archives
March 2019
M T W T F S S
« Feb   Apr »
 123
45678910
11121314151617
18192021222324
25262728293031
English Article
PRESS RELEASE-THE GOVERNMENT OF PUNTLAND STRONGLY OPPOSES THE MOGADISHU COMMUNIQUÉ PURPORTING TO ADOPT AN ELECTORAL MODEL FOR 201    January 29, 2016
Uganda says to pull out troops from Somalia over Congo charges    November 2, 2012
CIA Secret Prison in Somalia. P – 1    October 29, 2012
Puntland Condemns Terrorist Attack on Civilians at Mogadishu Restaurant    September 22, 2012
Puntland Welcomes Election of New President of the Federal Republic of Somalia    September 11, 2012
Somali Links
Fatwa Online