Madaxweynaha Puntland oo kormeer shaqo ku tagay Dekedda Garacad.

Garacad:-Madaxweynaha Dowladda Puntland Mudane Siciid Cabdullaahi Deni, ayaa maanta kormeer shaqo ku tagay Dekedda Garacad, isagoo xariggaa ka jaray dhismaha kaydinta badeecadaha, isla markaasina kormeeray jenbiga cusub ee (C) oo dhowaan lagusoo kordhiyey Dekadda iyo Jenbiga (D) oo isagana shaqadiisu socoto.

Sidoo kale Madaxweynaha ayaa booqday Xafiisyada cusub ee Wasaaradaha ku shaqo leh arrimaha Dekadaha Puntland, ay ku dhex sameysteen Dekadda kuwaasi oo si casri ah loo dhisay, loona diyaariyey in ay fududeeyaan waxkasta oo ku saabsan shaqada Dekadda iyo dardargelinteeda.

Ugu danbeyn Madaxweynaha ayaa warbixin ku saabsan sida ay u socoto howsha Dekadu ka dhegaystay Guddiga iyo Maamulka Dekadda Garacad iyo injineerrada shirkadda gacanta ku haysa dhismaha, waxaana kormeerkan daarran yahay dadaallada Dowladda ee lagu horumarinayo kobcinta adeegyada ay bixinayso Dekedda Garacad.

– DHAMMAAD –