118 Arday oo deeq waxbarasho ka helay dalka Turkiga

Garowe, Sept, 24 – :-Wasaarada waxbarashada ee dowladda Puntland ayaa shaaca ka qaaday in 118 arday ay ku guuleysteen deeq waxbarasho oo ka timid dalka Turkiya ka dib markii imtixaan laga qaaday arday gaareysa ilaa 4000 oo arday sida ay saxaafada ka sheegeen masuuliin ka tirsan wasaarada waxbarashada Puntland.

Xarunta wasaarada waxbarashada ee Puntland ayaa waxaa ku sugnaa xiliga la qaadayey imtixaanka Wasiirka waxbarashada Puntland Cabdi Siciid Faarax Juxa, iyo kuxigeenadiisa,,wasiiru dawlaha maamul wanaaga, agaasimayaal iyo hawlwadeenada ka tirsan wasaaradaha kala duwan ee Puntland.

Waxaa sidoo kale goobjoog ka ahaa qaadista imtixaanka masuuliin iyo macalimiin ka tirsan wasaarada waxbarashada ee dalka Turkiya iyo Ismaaciil Maxamed C/laahi oo ah agaasimaha daladaha waxbarashada gaarka ah ee DFKM ahna wakiilka wasaarada waxbarashada ee Soomaaliya .

Agaasimaha guud ee waxbarashada Puntland Cabdiqadir Nuux iyo agaasimaha mashaariicda ee wasaarada waxbarshada Maxamed Cali Faarax ayaa ka hadlay goobta waxay sheegeen in ay ku faraxsan yihiin in arday tiradaas gaareysa ay waxbarasho u aadaan dibada dalka gaar ahaan dalka Turkiya waxayna halkaas ka akhriyeen ardayda ku guuleysatay deeqda waxbarasho magacyadooda.

Wasiirka waxbarashada Puntland Cabdi Siciid Faarax Juxa ayaa gabagabadii kulanka ka hadlay wuxuuna sheegay in  uu aad ugu faraxsan yahay in ardayda tiro intaas le,eg ku guuleystaan deeqdaan waxbarasho ee ka timid Turkiya isaga oo la dardaarmay dhamaan ardaydii ku guuleysatay deeqda waxbarasho.

M_M Deeq
Halgan.net