Qarax saaka lagu weeraray saraakiil ka tirsan DFKM oo ku sugnaa Villa Baydhabo

Muqdisho:-War haatan uu na sóo gaarsiiyey wariyaha Halgan.net ee magaalada Muqdisho ayaa sheegaya in Qarax xooggan oo sababay khasaare kala duwan  saaka lagu weeraray saraakiil ka tirsan DFKM oo u ka mid yahay Abaanduulaha ciidanka Milatariga Gen C/kariin Yuusuf Dhega Badan kaas oo ka dhacay  xarunta  Villa-Baydhabo ee magaalada Muqdisho.

Qaraxa ayaa waxaa uu ahaa mid ismiidaamin ah waxaana fuliyey qof ku labisan dareyska ciidanka DFKM warar hordhac ah ayaa sheegaya in dhaawaca uu kor u dhaafay ilaa 15 askari dhimashada askarta DFKM iyo kuwa AMISOM ayaan ilaa haatan la shaacin

Villa-Baydhabo ayaa waxaa saaka kulan ku lahaa saraakiil ka tirsan DFKM iyo kuwa AMISOM. ilaa haatan wax war ah kama uusan soo bixin saraakiisha ciidanka AMISOM.

Afhayeenka howlgalada ciidanka Al-Shabaab ayaa sheegay in ay ka danbeeyeen qaraxii ka dhacay Villa Baydhabo ayna ku laayeen askar faro badan .

A/Cawale
Halgan.net