Warsaxaafadeed ka soo baxay shirka Golaha Wasiirada ee DFKM

November 10, 2011 - Written by

Muqdisho:-Golaha Wasiirada ee Xukuumada Federaalka KMG ah ee Soomaaliya ayaa maanta kulankoodii caadiga ahaa ku yeeshay xaruntooda magaalada Muqdisho iyagoo ka hadlay qodobo u badnaa dhanka amniga iyo gargaarka

Kulankan oo uu shir guddoominayay Kusimaha Ra’iisul Wasaaraha ahna Wasiirka Ganacsiga iyo Warshaddaha Mudane C/wahaab Ugaas Xuseen Ugaas Khaliif ayaa ugu horeyntii warbixin looga dhegeystay Wasiirka Arrimaha gudaha iyo Amniga Qaranka kaasoo ka warbixinayay horumarka amniga ee caasimadda iyo la dagaalanka kooxaha qaswadayaasha ah.

Goluhu waxa ay si weyn uga jeex jeexeen qorshaha Sugidda Amniga ee 16-ka degmo oo haatan ku jira gacanta Dowladda iyagoo isla meel dhigay in la xoojiyo sugidda Ammaanka caasimadda, iyo in la dardargeliyo Roondada xilliga habeenkii ah ay sameeyaan ciidanka Booliska.

Sidoo kale, golaha Wasiiradu waxay isla meel dhigeen in la dardargeliyo go’aankii golaha Wasiirada ee ahaa in aan hub si sharci darro ah loogu dhex sidan karin gudaha magaalada cidii lagu arkona laga qaado talaab sharciga waafaqsan, waxayna sidoo kale isla meel dhigeen in la dhiso guddi ka kooban Ciidanka Xooga, Booliska iyo Nabadsugida kuwaasoo ka talo bixin doona qorshaha amniga caasimadda iyo qorshaha guud ee Xasilinta dalka (NSSP).

Sidoo kale, golaha Wasiiradu waxay si qotadheer uga hadleen Hindisaha iyo shuruucda uu ku shaqeynayo guddiga madaxa banaan ee la dagaalanka Musuq maasuqa waxayna goluhu soo aqrin doonaan Documentiga iyaga oo ku dhawaaqi doona kadibna loo gudbin doono golaha Baarlamaanka.

Golaha Wasiirada ee Xukuumada FKMG ah waxay warbixin ka dhegeysteen guddiga gargaarka ee heerka wasiir waxaana la isla gartay in hay’addaha gargaarka ee mucaawinooyinka keenaya dalka ay dardargeliyaan bixinta mucaawinooyinka.

Ugu dambeyntiina golaha Wasiiradu waxay tacsi u direen Qoyskii, Qaraabadii iyo Qaranka Soomaaliyeed geeridii ku timid Alle ha u naxariistee Xildhibaan Aadan Buulle Maxamed oo mid ahaa mudaneyaasha Baarlamaanka oo shalay ku geeriyooday magaalada Muqdisho.

DHAMAAD
Garad Salad Hersi
Communication Director, office of the PM

Leave a comment

*

Archives
November 2011
M T W T F S S
 123456
78910111213
14151617181920
21222324252627
282930  
English Article
PRESS RELEASE-THE GOVERNMENT OF PUNTLAND STRONGLY OPPOSES THE MOGADISHU COMMUNIQUÉ PURPORTING TO ADOPT AN ELECTORAL MODEL FOR 201    January 29, 2016
Uganda says to pull out troops from Somalia over Congo charges    November 2, 2012
CIA Secret Prison in Somalia. P – 1    October 29, 2012
Puntland Condemns Terrorist Attack on Civilians at Mogadishu Restaurant    September 22, 2012
Puntland Welcomes Election of New President of the Federal Republic of Somalia    September 11, 2012
Somali Links
Fatwa Online