Maamulka Bangiga Dhexe ee Puntland oo gubay maanta lacag been abuur ah oo la soo galiyey Boosaaso.

Boosaaso:-Maamulka Bangiga Dhexe  ee  Puntland ayaa maanta waxaa uu ku gubay lacag  faalso ah magaalada Boosaaso ee xarunta gobalka Bari lacagta ayaa waxaa suuqa soo galiyey qaar ka mid ah ganacsatada magaalada Boosaaso waxaana qabtay ciidamada amaanka oo kaashanaya Bangiga Dhexe  ee Puntland .

Lacagta  Saaka dabka la qabadsiiyey ayaa waxaa ay gaareysay oo gaaraysa 14  milyan oo Shilin Soomaali ah sida uu warbaahinta u sheegay Agaasimaha guud ee bankiga Puntland  Xirsi Maxamed Jaamac  waxaa kale oo goobta ku sugnaa  maareeyaha bankiga Puntland qaybtiisa  gobalka Bari.Lacagta ayaa waxay ahayd  kun shilin iyo shan boqol oo Shilin Sooomaali ah iyada oo la tusay saxaafada ka howlgasha gobalka Bari gaar ahaan magaalada Boosaaso .

Maareeyaha waaxda bankiga Puntland ee gobolka Bari Muuse Aw Xuseen ayaa isaguna dhankiisa sheegay lacagahan been abuurka in la doonayo in bulshada  lagu dhibaateeyo wuxuuna sheegay in lacagta ay ka timid  koonfurta dalka Soomaaliya.

Maamulka Gobalka Mudug ayaa shalay qabtay lacag been abuur ah oo la soo galiyey magaalada Gaalkacyo ee xarunta gobalka Mudug isaga oo uga digay dadweynaha iyo gancsatada magaalada gaalkacyo in ay isticmaalaan lacagta been abuurka ah.

M_M Deeq
Halgan.net