Dagaal u dhexeeya Ciidanka AMISOM iyo Al-shabaab oo ka socda duleedka magaalada Muqdisho

Afgooye: Dagaal u dhexeeya ciidanka AMISOM iyo ciidamo ka tirsan ururka Al-shabaab ayaa dhawaan ka qarxay duleedka magaalada Muqdisho gaar ahaan deegaanka lagu magacaabo Sarkuusta iyo Jaamacadda Shabelle ka dib markii ciidamo ka tirsan kuwa AMISOM iyo DFKM ay fariisamo ka samaysteen degaankaas.

Ciidamo ka tirsan kuwa Al-shabaab oo ku sugnaa degaanka Sarkuusta ee duleedka magaalada Muqdisho iyo ciidanka AMISOM oo ku soo dhawaaday ayaa sababay in dagaal uu ka dhex qarxo, dagaalka xooggiisa ayaa waxaa uu ka socdaa  degaanka Sarkuusta iyo jaamacassa Shabelle  oo  ku taal meel u dhow  KM 13.

Hubka ay isku ridayaan Ciidanka DFKM oo gacan ka hellay ciidanka AMSOM iyo ciidanka Al-shabaab ayaa laga maqlaya duleedka magaalada Muqdisho iyadoo ilaa hadda aan si rasmi ah loo aqoon khasaaraha ka dhashay dagaalka socda. Dadka baraka cayaasha ah ee ku sugan  duleedka  magaalada Muqdisho ayaa waxaa soo wajahday cabsi ay ka qabaan in uu ku soo fido dagaalka.

Wixii ka soo kordha dagaalka ka socda duleedka Muqdisho dib ayaan idinka soo tabin doonaa insha Allaahu

A/cawaale
Halgan.net