Ururka Al-shabaab oo soo bandhigay sarkaal ka tirsan ciidamada dalka Burundi oo ay dileen(Masawiro)

Muqdisho:-Ururka Al-shabaab ayaa sheegtay in ay  dileen saraalkii madaxada u ahaa ciidamada Burundi ee dagaalka ka waday degmada Dayniile, kaddib markii ay weerar qorsheysan ku qaadeen  Talaadadii lasoo dhaafay waxaana la soo dhigay sawirada iyo macluumadka sarkaalka ay sheegeen in ay dileen Ururka Al-Shabaab barta Twitter-ka ee ay leeyihiin Al-Shabaab.

Sarkaalkan ayaa waxaa magaciisa ay ku sheegeen Imannuel Bizimana waana sarkaalkii labaad oo ay Al-Shabaab ku disho dagaalada ka socda Soomaaliya waxayna horey u dishay  Juvenal Niyoyunguruza oo ahaa ku xigeenkii taliyaha ciidamada AMISOM ka dib markii gaari walxaha qarxa laga soo buuxshay lagu qarxiyey xarunta Xalane.

Ciidamada AMISOM gaar ahaan kuwa Burundi ayaa waxaa looga dilay dagaalo culus oo ka dhacay Degmada Dayniile ilaa 76askari waxaana looga dhaawacay ilaa 110 askari sida ay qirteen saraakiil sare oo ka tirsan dowlada Burundi.

no images were found

Ilaa haatan ma jiraan wax  hadal ah oo kasoo baxay dhinaca AMISOM gaar ahaan kuwa Burundi kaas oo ku aadan Sarkaalka ay saaka soo bandhigeen Ururka Al-Shabaab.

Daawo

A/Cawale
Halgan.net