Nabadoon Col.C/llaahi Maxamed Xassan Faray oo caawa lagu dilay Gaalkacyo

Gaalkacyo:-Waxaa caawa lagu dilay magaalada Gaalkacyo xarunta gobolka Mudug  Nabadoon  Col.C/llaahi Maxamed Xassan Faray iyo walaalkiis halka qof la socday oo kalena uu dhaawac culus soo gaaray, Nabadoon Col.C/llaahi  Faray ayaa waxaa la dilay xili uu ku soo tukaday salaadii Makhrib  Masjidka Al-taqwaa ee Xaafada Israac iyadoo kooxda dilkiiisa geystayna ay goobta ka baxsadeen.

Nabadoon Cabdullaahi Faray ayaa waxaa uu ahaa allaha u naxariiste ganacsade caan ka ah Gobolka Mudug waxaan uu mar uu ka mid noqday Golahii degaanka ee magaalada Gaalkacyo ee xarunta Gobolka Mudug, Nabadoon Cabdullaahi Faray ayaa waxaa kale uu ka mid ahaa ciidankii xoogga dalka Soomaaliya waxaan uu ku gaaray Darajadiisa Gaashaanlle Sare.

Dilka Nabadoon Col.C/llaahi  Maxamed Xassan Faray ayaa ku soo beegmaya xili dhawaan la hakiyey howl galay ciidamo ka tirsan Daraawiishta Puntlland oo ka yimid magaalada Garoowe  iyagoo maalmihii hore howl galo ay ka sameeyeen magaalada ku qabqabtay  kooxo burcadbadeed ah oo dhibaato badan ka geystay  gudaha magaalada.

Gudiga amaanka magaalada Gaalkacyo ee xarunta Gobolka Mudug ayaa ah kuwa iyaga la daalaa dhacay dilalka ka dhacay magaalada oo ah kuwo wajiyo badan iyadoo dilalkii u danbeeyey ay salka ku hayaan arrimo siyaasadeed oo kooxo abaabulan ay dilkaas inta badan ay geytaan Madaxda Puntlland ayaa dilalka ka dhac magaalada Gaalakcyo waxaa ay inta badan ay ku eedeeyaan in ay ka danbeeyaan ururka Al-shabaabn iyo shaqsi yaad ay ku sheegeen in ay yihiin kuwa ka soo horjeeda nabadgelyada Puntlland , ururka Al-shabaab ayaan iyagu wax jawaab ah ka bixin eedey maha uga yimaad inta badan Puntlland.

M_M_Deeq
Halgan.net