Abwaan C/risaaq Xaaji oo gabay baroondiiq iyo canaan ah ka tiriyey dilkii Sh.Dr Axmed Xaji (Dhageyso)

Boosaaso:-Abwaan C/risaaq Xaji Maxamuud ayaa gabay baroordiiq iyo canaan ah u jeediyey Ururka Ictisaam ka dib markii lagu dilay allaha u naxariistee magaalada BoosaasoSheekh Dr Ahmed Xaaji C/raxmaan ee xarunta gobalka Bari uuna arkay in wili ragii dilay Dr.Ahmed Xaji ay hanjabaadyo u soo diraan culumada Ictisaam ee ku kala nool dalalka Kenya iyo gudaha Soomaaliya.

Abwaan C/risaaq  Xaaji Maxamuud Khaliif ayaa aad ula yaaban in culumada ay yihiin meyd iska socda xili horey loo qashay rag badan oo aad u qiimo badan oo ka tirsaan Ururka Ictisaam waxaana ugu danbeeyey Sheekh Dr.Ahmed Xaaji C/raxmaan iyo Sheekh Maxamed Tahliil.

Abwaanka ayaa waxaa gabaygiisa waxaa ka muuqda canaan uu u soo jeedinayo culumada iyo Dhalinyaradii saxwada oo iska hurda xili uu socdo qorsho lagu leynayo culumada Ictisaam Abwaan C/risaaqi ayaa gabaygiisa ku soo afmeeray in laga aargudan doono kuwii dilay Sh. Dr Ahmed Xaji C/raxmaan iyo Sheekh Maxamed Tahliil maalin maalmaha ka mid ah hadii alle idmo .

[audio:http://halgan.net/Mp3/Baroondiiq_Canaan.mp3] Ama Halkan Mp3

M_M Deeq
Halgan.net