Puntland oo Soo dhaweysay Doorashada Gudoomiyaha Cusub ee DFS

Garoowe:-Dowladda Puntland ee Soomaaliya waxay u hambalyaynaysaa Guddoomiyaha cusub ee Baarlamaanka Federaalka Soomaaliya Avv. Maxamed Cismaan Jawaari waxayna uga tahniyadaynaysaa sida libta leh uu ugu guulay stay doorashadaasi.

Puntland waxay ku kalsoontahay in Gudoomiyaha Baarlamaanka cusub uu dhamaystiri doono waxyaalaha ka dhiman xoojinta dhismaha Jamhuuriyadda Federaalka Soomaaliya, kuwasoo ay ka mid yihiin hirgalinta iyo ku dhaqanka Dastuurka Federaalka KMG ah, hirgalinta dhismaha Aqalka Sare ee Dastuuriga ah ee Baarlamaanka Federaalka Soomaaliya, iyo dhiirigalinta dhismaha Dowladaha Xubinta ah Dowladda Federaalka ee dhiman.

Puntland waxay rajaynaysaa in doorashada Madaxweynaha Jamhuuriyadda Federaalka Soomaaliya ay u dhacdo sida tan oo kale, oo ah si cad oo cadaalad ah, waxayna ku dhiirigalinaysaa Xildhibaanada Baarlamaanka Federaalka Soomaaliya inay Madaxweynaha Soomaaliya u doortaan qof aamin ah, Dowli ah, awoodna u leh in uu wadanka ka saaro marxalada adag ay Soomaaliya marayso.

— DHAMAAD —

Warsaxaafadeed_Puntland

M_M Deeq
Halgan.net