Wafdi uu hogaaminayo safiirka Midowga Yurub u qaabilsan Somalia oo gaaray Garoowe(Masawiro)

Garoowe:-Wafdi uu hogaaminayo safiirka Midowga Yurub u qaabilsan Somalia Michele Cervone ayaa saaka gaaray magaalada Garoowe ee xarunta dowlada  Puntland waxaana uu kulan la qaatay Madaxweynaha dowlada  Puntland Dr.Cabdiraxman Maxamed Maxamuud Faroole.

Wafdiga  safiirka Midowga Yurub u qaabilsan arimaha  Somalia Michele Cervone ayaa waxaa socdaalkiisa ku weheliya madax barnaamijka EU-da ee kor u qaadida la dagaalanka Burcad badeeda Admiral Jacques Launay .

Kulanka uu Madaxweynaha Dowlada Puntland uu la qaatay Wafdi uu hogaaminayo safiirka Midowga Yurub u qaabilsan Somalia Michele Cervone ayaa waxaa ku weheliyey Madaxweyne ku xigeenka Puntland Gen,Cabdisamad Cali Shire ,wasiirka arrimaha gudaha Gen.Cabdilaahi Axmed Jaamac Ilkajiir, wasiirka Cadaalada Dr.Cabdi Khaliif Xaaji Xasan Ajaayo ,taliyaasha Asluubta Booliska iyo Saraakiisha madaxtoyada iyo ciidanka Badda Puntland

no images were found

Kulanka maanta ka dhacay Madaxtooyada Puntland ayaa waxaa looga hadlay  la-dagaalanka burcad badeeda iyo saro u qaadida barnaamijka  cusub ee Midowga Yurub uu ugu talo galay arinkaas waxaana tababar la siin doonaa laamaha Garsoorka ,Booliska ,Asluubta iyo shaqaalaha wasaaradaha arimaha gudaha ,Cadaalada iyo Dekeddaha

Madaxweynaha Puntland Dr.Cabdiraxman Maxamed Faroole oo la hadlay saxaafada ayaa u mahad celiyey wafdiga uu hogaaminayo safiirka Midowga Yurub u qaabilsan arimaha Soomaliya wuxuuna ugu baaqay in laga faa,ideysto tababarka la siin doono laamaha dowlada Puntland si looga hortago loona dagaalamo burcad badeeda

M_M Deeq
Halgan.net