Howlgal ciidan oo saaka ka dhacay magaalada Kismaayo oo dad badan lagu qabqabtay

November 1, 2012 - Written by

Kismaayo:-Wararka naga soo gaaraya magaalada Kismaayo ee xarunta Gobolka Jubada Hoose ayaa sheegaya in magaalada ay saaka ku waabariisatay howlgalo ay samaynayaan ciidanka Raaskaambooni kuwa DFS iyo ciidanka dalka Kenya iyagoo bilaabay in ay baaraan xaafada kale duwan ee magaalada.

Ciidamadaan huwanta ah ayaa waxaa dadweynaha ku nool magaalada Kismaayo ay soo sheegayaan in ay baarayaan guryaha iyo goobaha ganacsiga waxaan ay qab qabteen dad fara badan oo lagu xiray Saldhiga magaalada Kismaayo, howl gala ka dhacay saaka Kismaayo ayaa waxaa uu ku soo beegmaysaa xili gudaha magaalada ay ka dhaceen qaraxyo.

Sarkaal u hadlay Ciidanka huwanta  ah ayaa waxaa uu saxaafada u sheegay in ilaa 300, 00 qof oo looga shakisan yahay in ay qayb ka ahaayeen qaraxyada ka dhacay magaalada Kismaayo la xiray lana baari doona ka dibna cidii aan danbi lahayn la sii deyn doono  isagoo ku nuuxnuuxsaday in howl galka ay ka wadaan Kismaayo uu yahay mid ay amaanka magaalada ku sugayaan.

Dhinac kale dhamaan is gaarsiinta ka howl gasha magaalada Kismaayo ayaa hawada laga saaray arrinkaaas oo saamayn  weyn ku yeelatay goobaha waxbarashada iyo ganacsiga, ilaa hadda ma jiraan war cad oo ka soo baxay Taliska ciidanka AMISOM ee magaalada Muqdisho oo iyagu qayb ka ah howl galka ka dhacay Kismaayo.

A/cawaale
Halgan.net

 

Leave a Reply

Your email address will not be published. Required fields are marked *

*

* Copy This Password *

* Type Or Paste Password Here *

256,854 Spam Comments Blocked so far by Spam Free Wordpress

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>