Puntland oo soo bandhigtay Shaqaalaha Markabkii Mv Icebreck 1oo ay soo furatay(Masawiro)

Garoowe:- Puntland ayaa maanta galinkii danbe saxaafada u soo bandhigtay Shaqaalaha Markabkii Mv Icebreck 1 oo ay soo furatay waxaana Markabkii Mv Icebreck 1 saarnaa ilaa 22 shaqaale oo ka kala yimid wadamo kala duwan.

Goobta lagu soo bandhigay shaqaalaha Markabkii Mv Icebreck 1 ayaa waxaa ka hadlay Taliyaha ciidanka badda Puntland Admiraal-Cabdirisaaq Diiriye Faarax waxaana uu sheegay in ay howlgalada ay ku soo furteen shaqaalada Markabkii Mv Icebreck 1 ay ku dileen 3 ka mid ah burcad badeeda waxayna sidoo kale gacanta ku dhigeen 3 kale .

Taliyaha ciidanka badda Puntland Admiraal-Cabdirisaaq Diiriye Faarax ayaa sheegay in dowllada Puntland ay ka go,an tahay in ay sii wadaan dagaalka ay kula jiraan kooxaha Burcad badeeda .

Gen-Muxyadiin Axmad Muuse taliye ku xigeenka ciidanka Booliska Puntland oo sidoo kale ka hadlay khasaaro soo gaaray ciidanka fuliyey howgalada lagu soo furtay  Shaqaalaha Markabkii Mv Icebreck 1 wuxuuna sheegay in hal askari ku dhintay 4 kalena ay ku dhaawacmeen.

Agaasimaha La-dagalanka burcad badeedka Puntland Cabdirisaaq Maxamad Axmad (Ducaysane) ayaa sidoo kale isagana la hadlay saxaafada ayaa waxaa uu sheegay inay tahay guul lama ilaawaan ah oo u soo hoyatay dowlada Puntland ka dib markii ay soo furteen shaqaalaha Markabkii Mv Icebreck 1 oo mudo ku dhow 2-bo sano lagu heystay xeebaha Puntland.

no images were found

Kabtanka Marakabka Mv Icebreck 1 Cali Saalax oo dhalasho ahaan ka soo jeeda dalka Yemen ayaa u mahad celiyey ciidanka dowlada Puntland waxaana uu ka sheekeeyey xaalad murugo leh oo ay ku hayeen Buracadii heystay Mv Icebreck 1 .

M_M Deeq
Halgan.net