Qarax lagu weeraray ciidanka AMISOM oo khasaaro u geystay dad shacab ah

Muqdisho:-Wararka haatan naga soo gaaraya magaalada Muqdisho ayaa sheegaya in gaari nooca lo yaqaan Toyota Carib oo laga soo buuxshay walxaha qarxa la dhigay waddada Makka al-Mukarrama gaar ahaan meel aan sidaa uga fogeyn gurigii hore ee Shaqaalaha .

Qaraxan ayaa waxaa lala damacsanaa kolonyo gawaari ah oo ka tirsan ciidanka AMISOM iyo kuwa DFS  oo marayey waddada Makka al-Mukarrama iyaga qarax uu dhacay markii ay gudbeen waxaana qaraxa la xaqiijiyey in uu ku dhintay hal qof waxaana dhaawaca uu marayaa ilaa haatan 6 kale oo dhamaantood ah dad rayid ah  waxaa jira sidoo kale  uu khasaaro soo gaari baabuurta la raaco ee  BL-ka  ah oo ku sugnaa waddada Makka al-Mukarrama .

Qaraxa ka dib ayaa waxaa goobta soo gaaray ciidamo ka tirsan DFS iyo kuwa AMISOM waxaana saxaafada la hadlay  Afhayeenka ciidanka Booliska DFS Jen.C/laahi Xasan Bariise  waxaana uu sheegay in aysan jirin khasaaro soo gaaray ciidanka AMISOM iyo kuwa DFS .

Jen C/laahi Xasan Bariise  ayaa sheegay in qaraxa ragii dhigay ay baxsadeen balse ay hayaan lambarkii gaariga wax lagu qarxiyey wuxuuna ku eedeeyey qaraxa in ay ka danbeeyaan Ururka Al-Shabaab.

A/Cawale
Halgan.net