Galmudug oo Shaacisay inuu fashilmay kulan dhexmaray Galmudug iyo DFS (Dhageyso)

Gaalkacyo:-Madaxweynaha maamulka Galmudug, Jen. Cabdi Xasan Cawaale (Qaybdiid) ayaa sheegay in wadahadaladii dhexmaray Galmudug iyo DFS uu ku dhamaaday Fashil ka dib markii la isku afgaran waayay qodobbadii ay ka wada hadleen Galmudug iyo wafdigii DFS oo uu horkacayey Raisulwasaaraha DFS Cabdi Faarax Shirdoon (Saacid).

Madaxweynaha Galmudug Jen. Cabdi Xasan Cawaale (Qaybdiid) ayaa wareysi uu siiyey Idaacada VOA ku sheegay in qodobo la isku afgaran waayey  wuxuuna Sheegay in Maamulka Galmudug uu wax soo dhisay dowlada federaalka ee Soomaaliya .

Ra’iisul wasaaraha JFS Cabdi Faarax Shirdoon (Saacid) ayaa markii uu Gaalkacyo gaaray ugu baaqay  maamulka Galmudug inay ku biiraan maamul kale ee ka jira dalka si ay u buuxiyaan shuruudaha looga baahan yahay maamul-goboleedyada dalka, ka dhismi doona taas oo ka careysiisay madaxada Maamulka Galmudug.

Hoos Ka Dhageyso Wareysigii Idaacada VOA la yeelatay Madaxweynaha Galmudug Jen. Cabdi Xasan Cawaale (Qaybdiid).

[audio:http://k007.kiwi6.com/hotlink/40s2wbb65v/qeybdiid.mp3″]

A/Cawale
Halgan.net