Ciidanka AMISOM oo xiray Idaacada ka howlgasha magaalada B/weyne

May 1, 2013 - Written by Editor

hiiraanBaladweyne:-Ciidanka AMISOM ee gacanta ku haya magaalada B/weyne ayaa albaabada u laabay idaacad madax banaan oo ka howlgali jirtay magaalada B/weyne ee xarunta gobalka Hiiraan waxaana lagu eedeeyey idaacada in ay sii deysay war been abuur ah sida uu warbaahinta u sheegay Taliyaha Ciidamada Jabuuti ee Baladweyne ku sugan Col. Cismaan Dubad.

Taliyaha Ciidamada Jabuuti ee Baladweyne ku sugan Col. Cismaan Dubad ayaa sheegay in Idaacada ay ka howlgaleysay gudaha magaalada B/weyne mudo laba bilood ah wuxuuna sheegay in sababta lagu xirayna ay tahay iyadoo baahisay in Ururka Al-shabaab ay la wareegeen deegaanka Ceel-gaal.

Col. Cismaan Dubad Taliyaha Ciidamada Jabuuti ee Baladweyne oo la hadlay saxaafada ayaa yiri Idaacada warka ay baahisay markiii  la baaray wuxuuna noqday mid been ah oo dadka lagu cabsi gelinayay taas ayaana u xirnay idaacada”

Agaasimaha Idaacada Codka Bartamaha oo  Axmed Sh Nuur oo isaguna la hadlay warbaahinta ayaa sheegay in warka ay baahiyeen uu
yahay mid  ay ka soo xigteen dad goobjoogayaal ah wuxuuna sheegay in la xiray Madaxii Idaacada Cusmaan C/llaahi Careys iyo Tifaftirihii Siraaji Cumar Cabdi.

Wararka ugu danbeeyey ee naga soo gaaraya caawa ayaa sheegaya in dib ay xoreydooda u heleen Madaxii Idaacada Codka Bartamaha iyo Tifafiraha idaacada .Waxaa wili hawada ka maqan Idaacada  Codka Bartamaha oo ay saaka ciidanka AMISOM gaar ahaan kuwa Jabuuti ay albaabada u laabeen.

A/Cawale
Halgan.net

Leave a Reply

Your email address will not be published. Required fields are marked *

*

* Copy This Password *

* Type Or Paste Password Here *

267,816 Spam Comments Blocked so far by Spam Free Wordpress

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>