Diyaaradii siday Sh Xassan Daahir Aweys oo ka soo degtay Garoonka Aadan Cadde

Muqdisho:Waxaa dhawaan  ka soo degtay Garoonka diyaaradaha ee Aadan Cadde ee Muqdisho diyaaradii siday Sh Xassan Daahir Aweys ,Ilo wareed ku dhow Sh Xassan Daahir Aweys oo ay Halgan.net la xiriirtay ayaa u xaqiijiyey in dhawaan ay soo degtay diyaaradii siday Sh Xassan Daahir Aweys. Sh. Xassan Daahir Aweys ayaa waxaa la socda wafdi ka tirsan maamulka Ximin iyo Xeeb, Odayaal dhaqan , siyaasiyeen Xildhibaano ay isku hayb yihiin Sh Xassan Daahir oo iyagu dhowr maalmood wada hadal kula jira  Sh Xassan Daahir Aweys iyo Saraakiil kale oo ka tirsanaa Ururka Al-shabaab oo si qorsoodi ah doon  uga baxay magaalada Baraawe.

Sh Xassan Daahir Aweys ayaa hadda ku sugan qaybta VIP ee Garoonka Aadan Cadde ee magaalada Muqdisho waxaan si rasmi ah loogu wareejiyey madaxda Dowlladda Federaalka Soomaaliya gaar ahaan wasiirka Arrimaha gudaha iyo Saraakiil ka tirsan ciidanka nabadsugida DFS si ay amaankiisa ula wareegaan.

Halgan.net oo isku dayday in ay khadka teleefanka ku hesho Sh Xassan Daahir Aweys ayeysan u suuroobin sababo la xiriira dhinaca is gaarsiinta  iyadoo dhamaan wafdiga iyo qaybaha kale ee la socda Sh Xassan Daahir ay hadda weli u suuroobin in ay la hadlaan saxaafad.

Ilaa hadda wax faaf faahin ah lagama hayo wafdiga la socda  Sh Xassan Daahir Aweys inta uu le’eg yahay iyo wax la isku afgartay
iyo halka uu Sh Xassan Daahir Aweys uga sii baqooli doono magaalada Muqdisho.

A/cawaale
Halgan.net