.gif)
Diyaarado Dagaal oo galabta Duqeeyey deegaano ka tirsan Gobolka Jubbada Hoose
February 2, 2015 - Written by Editor
Kismaayo:-Wararka ka imaanaya Gobolka Jubbada Hoose ayaa sheegaya in galabta ay Diyaarado Dagaal duqeyn ka geysteen Degaanka Yoontooy ee Gobolka Jubbada Hoose halkaas oo ay Fariisimo ku lahaayeen kooxda Al-Shabaab.
Dadka Degaanka ayaa sheegay in Diyaarado Dagaal ay dhowr Gantaal ku garaaceen Degaanka Degaanka Yoontooy ee Gobolka Jubbada Hoose.
Ilaa haatan lama yaqaan Khasaaraha dhabta ee gaaray kooxda Al-Shabaab iyo dad shacabka ah ee ku dhaqan deegaanka Yoontooy.
Sarkaal ka tirsan Maamulka Jubaland oo magaciis la yiraahdo Col.Mursal Geedi ayaa sheegay in Diyaarado ay leeyihiin ciidanka AMISOM gaar ahaan kuwa Kenya ay duqeymo ka geysteen deegaanada kala ah Yoontooy, Xaaji weyne iyo deegaano kale .
Ma aha Markii ugu horeysay ay ciidanka Kenya ay duqeymo ka geystaan gudaha dalka Soomaaliya iyaga oo waxyeelo gaarsiiyey dad shacab ah oo xoolo dhaqato ah.
Cabdi Yare
Halgan.net
