Guddoomiyaha DFS ”cidna ma bixin karto Dhismihii hore Ex-Baarlamaan

Guddoomiyaha Baarlamaanka DFS Maxamed Sheekh Cismaan Jawaari ayaa markii ugu horeysay ka hadlay Dhismaha Xarunta Ex-Baarlamaan oo gudoomiyaha gobalka Banaadir ku wareejiyey ganacsato.

Guddoomiyaha Baarlamaanka DFS Prof Maxamed Sheekh Cismaan Jawaari ayaa sheegay in uusan u oolin Ganacsato dhismaha Ex Baarlamaankii hore ee Soomaaliya.

Guddoomiyaha Baarlamanka DFS ayaa xusay in golaha shacabka ay u saareen Arrinta Ex-Baarlamaan gudi si ay u soo qiimeeyaan qarashka ku baxaya dhismaha Ex Baarlamaankii hore ee Soomaaliya.

Guddoomiyaha Gobolka Banaadir Yuusuf Xuseen Jimcaale ayaa 11-kii Bishaan sheegay in Maamulka Gobolka uu Heshiis la galay mid kamid ah Ganacsatada Soomaaliyeed si uu u dhiso Xarunta Ex-Baarlamaan taas oo buuq badan dhalisay.

A/Cawale
Halgan.net