Afhayeenka dawladda Puntland dib u eegista lagu sameeyay Dastuurka waa hagal-daacinta Nidaamka Federaalka.[Dhagayso]

Gaalkacyo:-Afhayeenka dawladda Puntland C/laahi Maxamed Jaamac Qur’aanjecel oo waraysi gaar ah siiyay Radio Daljri ayaa faahfaahin dheeraad ah ka bixiyay Mow qifka dowladda Puntland ee ku aadan War-saxaafadeedkii shalay Puntland ku qaadacday Isbadelka lagu sameeyay Dastuurka KMG ah ee Soomaaliya.

Afhayeenka dawladda Puntland Cabdullaahi Maxamed Jaamac Qur’aan jecel ayaa sheegay in DFS ay muddo badan ku mashquulsanayd sidii ay hagal-daacin lahayd Nidaamka Federaalka, waxaana uu hadalkiisa raacsaday in isbadelka lagu sameeyay Dastuurka KMG ah ay tahay qorshe aan waafaqsanayn sharciga, dano gaar ah-na laga leeyahay.

“Qodobado aad u badan ayaa la badalay, waana kuwo xaasaasi ah, illaa 10 Cutub oo ka tirsan Dastuurka ayaa meeshaba laga saaray, qaar-na la badalay, tani waa tillaabo guud ahaanba looga soo horjeedo Nidaamka Federaalka” Sidaasina waxaa yiri Afhayeen Quraan jecel.

Hoos ka dhagayso waraysi uu la yeeshay Wariye Jaamac Cabdiraxmaan Axmed

M_M_Deeq
Halgan.net